Mga Hinaing at Pagsusumamo

Nais kong makita
Ang kislap ng iyong mga mata.
Ako'y nangungulila
Sa iyong mga tawa.
Nakikinig ka ba
Sa aking pagsinta?
Nawa'y ako'y iyong magunita
Sa tuwing mabasa itong tula

Pagka-inip at Kamatayan

Buhay.

Ano ang silbi ng buhay
Kung ang aking pagkatao'y
Binabalot ng dilim at ginaw?
Ang aking puso ay lumulutang
Sa walang hanggang kawalan.

Kawalan.

Walang laman ang aking kalooban.
Ako ay naglalakad patungo
Sa isang kinabukasang walang saysay.

Naglalakad. Naghihintay.

Sa kamatayan na magpapalaya
Sa aking nagliliyab ng pighati.